Daily Newspaper

MLA positive-in a positive a ring thei lo

21

Tuichawng bialtu MLA Dr BD Chakma chu Covid- 19 chungchangah enkawl mek a ni a, damdawi in khuma zan thum vel a mut hnu-ah pawh Covid-19 natna a vei a la ring thei lo.

“Ka ring thei miah lo a… ka result hi a dik lo ang, ka positive ka ring lo a,” Dr BD Chakma chuan a ti.

Medical doctor a ni a, Covid-19 chungchang pawh a chhiar thin; Falkawn damdawi ina a awm hnu-ah pawh internet hmangin a chhiar thin a, result dik lo a awm theiah a ngai.

“Hetah ka awm hnuah pawh net-ah te ka chhiar a, RT-PCR hi 10% vel chu ‘false positive’ a awm thei tlat a. Chuvangin state dangah leh Europe-ah pawh ‘false positive’ hi a awm ang,” a ti.

“Natna dangah pawh ‘false negative’ a awm thei a, malaria-ah pawh a awm thei a. Covid-an pawh a awm thei a,” a ti bawk.

September ni 13-ah BD Chakma hian a result a hria a, hemi ni hian damdawi inah dah a ni. A hriat tirh atangin a result hi a ring lo a, damdawi ina a luh hnu-ah pawh a la ring lo. Thawhlehni khan Rapid Antigen Test a ti a, chutah chuan a negative!

A awih loh chhan pakhat chu he hri a kaina tur a hre tlat lo hi a ni. Covid-19 natna veiin an inah lehkha a dah vanga a sample hi endik a ni a, a sawi danin, lehkha kha a nupuiin a lo dawng a, a ‘sanitize’ nghal. A nupui chu a negative tlat. Chhuak ngai lo a inti a, September ni 3 hnuah a fapa nen white board leia an chhuah bak a chhuak lo nia sawiin, white board an lei pawh chuan motor-ah sanitizer hmangin a intifai nghal. A bial mi tlangval pahnih an inah an kal a, an handset-a thlalak a en. Chung chu mi dang nena inhnaiha an awm chu a ni, ama sawi danin.

A awih loh chhan pakhat leh chu insawiselna engmah a nei lo. Nilaini thleng khan insawiselna a la nei lo a, Covid-19 natna lanchhuahna natna engmah a vei lo. Mahse insawiselna nei lo chungin a positive theih tih a pawm a, chuvangin chutiang case-ah (asymptomatic) chuan dan siam thar ni se tih ngaihdan a nei.

“Asymptomatic-ah chuan reconfirmation atan test nawn ni se Retest hi neih ni se a tha khawp ang. A chhan chu, false positive a nih chuan a tha lo a,” Dr BD Chakma chuan a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy