Site icon The Aizawl Post

MLDB Bill pass champha hmang

Mizoram State Legislative Assembly-a Mizo Language Development Board (MLDB) Bill 2022 pass a nih champha vawikhatna pualin Human Resources Development Board vice chairman Dr L Thangmawia, MLDB chairman Dr Lalzirmawia Chhangte, School Education officer-te leh Mizo tawng lama hmalatu pawl – Mizo Writer Association, Mizo Academy of Letters leh Mizo Grammar Society ten hun an hmang.
HRD Board vice chairman chuan Mizo Language Development Board (Preparation and Submission of Budget Estimates Administration of Fund) Rules 2023 peih a ni tawh a, kumin February 27 khan notification tihchhuah niin, chairman leh secretary ruat dan tur Rules pawh Law department vet tura thawn a ni a, hun reilote ah hnathawk theia MLDB hi a awm thuai beisei a ni tih a sawi.
MLDB hi a taka a function theih hunah chuan Mizo tawng humhima tihmasawn tur, hnamdang tawng Mizo tawnga sengluh dan tur, Mizo grammar chungchang, Mizo literature hmasawnna tur bakah Mizo tawng kaihhnawiha thawh tur awm apiang a thawk dawn a ni.

Exit mobile version