MNF sawrkarna huangah Mizoramah zu leh ruihhlo a hluar hle tih PC party chuan an sawi.
PC Gen. Hqrs. thuchhuak chuan, Pu Zoramthanga kaihhruai MNF sawrkarna huangah Mizoram hmun hrang hranga zu leh ruihhlo a hluar chu pawi a tih thu sawiin, ‘Nitin deuhthaw, a bikin damdawi tawlhruk man chhuah thrwm hriat tur a awm deuh reng maite, dan loa zu zawrhna hmunpui suasam leh thahnem tak manchhuah a ni reng maite hian dan leh thupek kenkawh kawnga Mizoram sawrkar hlawhchham zia a ti langchiang hle ah kan ngai,’ a ti.
Ramri hrul leh a chhehvel atanga samkhai taka dan loa phal loh thil tawlhru thinte dang chep thei lo khawpin Mizoram sawrkar chu a talbuai nia sawiin, tun ai a chak zawka ruihhlo leh dan loa sumdawnna dang chat tura theihtawp chhuah turin sawrkar a ngen nawn tih PC thuchhuah hian a sawi.