Daily Newspaper

MNF sawrkarah hel pawl an zalen thin – MPCC

18

Tunhnaia Phuldungsei daia ralthuam man a ni chu lawmawm an tih rualin, MNF sawrkarah ralthuam leh hel pawl chetna a zalen thin tih Congress party chuan an sawi.

Thuchhuah siamin MPCC chuan, September 28 zana Phuldungsei khuaa ralthuam thahnem tak – silai 30, magazine 28 leh silaimu 7800 BSF-ten an man chu lawmawm a tih thu leh a mantu BSF inpekna chhuanawm a tih thu a sawi rualin, dan loa thil tawlhruk chungchangte, ram leh hnam venhim kawngah Mizoram Police aia BSF hming a lang zawk ta fo chu hnam tan pawh mualpho thlak an tih thu leh Home minister chak tawk loh vang liau liaua an ngaih thu a sawi.

‘BSF-ten Mamit district chhung, Phuldungsei leh a chhehvela helho an awm nia report an dawng hi a mak kan tiin, MNF sawrkar hnuaiah hel pawl an zalen leh ta nia lang hi a pawi kan ti hle,’ a ti.

MPCC chuan MNF sawrkar apianga hel leh ralthuam man tur an awm ziah, tiin, ‘MNF sawrkar apianga Mizorama hel pawlte zalen lutuk thin leh ralthuam man tur a tam bik em em zel hi thil mak tak a ni,’ a ti.

MNF sawrkar hmasaa a ruka helho thawhpui a, sum leh paia intanpuina ang kha thleng nawn tawh lo se an duh tih sawiin, ‘A ruka hel an lo thawhpui leh a nih pawhin Zoram mipui himna tura an thawhhona chhuchhe nghal turin MNF sawrkar kan phut a ni,’ MPCC thuchhuah chuan a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy