BJP chuan state-a sawrkar lai MNF party hamthatna tur che ah Chakma Autonomous District Councilterm kal meka caretaker nihna chelh lailawktu, Lawngtlai district bawrhsap chu an puh a. Caretaker a nihna hi hlihsak an phut tih an sawi.
BJP CADC District Committee hruaitute sawi danin, Chawngte-III Village Council-a MNF ticket-a ruat, nominated member pahnih Talukdar Chakma leh Lokhi Loda Chakma te chuan, elected member pakhat Moni Sangka Chakma te chuan BJP an zawm a, hei vang hian seat 9 awmna VC-ah hian BJP-in seat 5 la in VC a siam thei ta zawk a ni.
Hetiang a nih lai hian MNF MDC te nawrna avangin 10th CADC caretaker, Lawngtlai district bawrhsap David Lalthantluanga leh CADC local administration officer Ram Muni Chakma te chuan nominated VC member pahnih hi anti defection law hmangin VC member an nihna atangin an paih ta niin an sawi.
CADC-ah chuan VC member ten party dang an zawm pawhin an lakah anti defection law hi hman theih a ni ve loa, paih an nih chhan tarlante chu thu tling lo, dan awmsa lal tir aiin MNF MDC te duhdan anga thu tihtluk mai zawk nia puhin, court thlenga kalpui an tum tih an sawi.
Heng avangte hian Mizoram larsap chu CADC caretaker leh LAO te chu an hna atanga chawlhtir turin an ngen tih BJP hian an sawi a ni.
MNF tana hma laah DC puh
