Daily Newspaper

MNF Thalai-in chawlh buk tifai

9

Hmuifang road, Midum khama Horticulture Department-in view point gallery an siam chu Inrinni khan MNF Thalai chuan hnatlangin an tifai a, a vawnbante rawng hnawih tharin a chhehvel samfai leh bawlhhlawh an tifai. Mi tam tak kalkhawm a remchan loh avangin elected office bearers leh general secretaries-te an thawkchhuak a ni.

MNF Thalai Hqrs. thuchhuak chuan, he chawlhbuk hi khualzin mite leh Aizawl atangin thalai tam takin chawlh hahdam nan an hmang thin a, a chhehvelah hnawmhnawk chi hrang hrang paih thin niin a tawp hle a. Hei hi vantlang tana thiltha tihna remchangah hmangin an tifai ta tih a sawi.

Hnatlan hmaa hun hmanah MNF Thalai president Er. Lalrinawma chuan, kan rama thilsiam hrang hrang – nungcha leh ramngaw thing leh maute, kan hmun pawimawhte hi duat taka enkawl tur kan ni tiin, tunhnaia an zin haw lamin Thenzawl piah Vantawngkhawhthla penna bul waiting shed pawh an samfai thuak thuak tih a sawi a. A tuk lama an lo tihfai zui turin hlawhfa chhawrna tur an dah thu leh hemi hmanga an tihfai hnuah khualzinten hahchawlhna atan an hman tangkai nghal thu an rawn hrilh tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy