Daily Newspaper

MNF Thalai-in ramria duty-te ei tur pe

15

Kolasib district Vairengte leh Saihapui ‘V’ a Mizoram police-te ei tur pe in MNF Thalai hruaitute an thawkchhuak a. Vairengte Joint VC te leh Saihapui ‘V’ VC-te hnenah sumfai an hlan bawk.

MNF Thalai Hqrs thuchhuak tarlan danin, ramria duty-te police-te tan Vairengte Police Station-ah dal bag 20 leh tel case 10 an hlan a. MNF Thalai president Er. Lalrinawma, MLA chuan ram leh hnam chhanna kawngah chief minister Pu Zoramthanga leh Home minister Pu Lalchamliana, bialtu MLA Pu Lalrinsanga leh Vairengte mipuite leh Saihapui ‘V’ mipuite huaisenna chu a ropuiin fakawm a ti tih thu a sawi a. Assam sawrkar beihna lakah Mizoram police-ten huaisen taka an lo beih let chu lungawithlak a tiin, a chhuang takzet tih a sawi.

“Mizoram leh Assam kan inkalpawhna chu khar a lo ni leh ta a. Hmasang kan pi leh puten thih leh ruam khatah, dam leh tlang khatah an lo tih te, sem sem dam dam ei bil thi thi, tih thuthlung ropui tak an lo neih tawh angin, kan inthurualna leh kan inngaihsak tawnna chuan heng harsatna hi min paltlangtir ang tih ka ring tlat a ni,” a ti.

Mizoten hun kal tawhah remna hlutzia leh a man tamzia an hre tawh a, hnamdang leh ram dang tihbuai emaw an duh lo, tih MNF Thalai president hian sawiin, “Chutih rual chuan, kan awm mai mai laia kan chala chil min hnawmtute chu Mizo mipuite hian kan palzam thei lo a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy