November 13, Thawhtan ni khan Caripot, Ajal Club-ah 37th National Games, Goa-a zawh taka medal latute chu Mizoram Olympic Association in lawmpuina hun a hman pui a. MOA President Pu Robert Romawian lawmpuina thu sawiin India rama inelna sang ber National Games qualify tam zawk an awm theihna turin Mizoten kan theihna zawn infiamna hi kan kalnat a hun tawh a ti a. Kumthar 2024 hian Uttarakhan-ah 38th National Games a awm leh mai dawn a. MOA chuan National Games medal tam zawk kan lak theihna turin Medal kan lak theihna hi nasa lehzualin kan vulh tawh ang a ti.
National Games Medal-a late chawimawina hun hi MOA Senior Vice President Pu F.Lalniengan a kaihruai a, Pu Joseph Thansangan lawmthusawi tawngtaina a hmang a. Mizoram contingent Chef de Mission Pu V.Lalzawmlianan report ngaihnawm tak a pek bawk a. MOA Office Bearer hrang hrangten thu an sawi bawk.“Tun tum National Games-a Mizoram medal lak hi National Games kan kan kal tawha result kan la neih that ber tum a ni a. Gold Medal 2 leh Silver 3 hi Mizoram Contingent qualify atanga chhutin 35% in medal an la a ni a. State leh UT 36 an tel a, 27 na kan ni phak bawk” a ti.
MOA hian Gold medal la te hnenah Rs 10,000, Silver medal la te hnenah Rs. 7,000 leh Bronze medal la te hnenah Rs 5,000 theuh lawmpuina a pe a, Mizoram tana an hlawhtlinna chawimawi nan Thangchhuah puan an pe vek bawk.
Vawiin hian Mizoam Amateur Taekwondo Association buatsaihin SYS Conference Hall, MINECO Khatlaah 37th National Games-a Medal late lawmpuina hun an hmanpui ve thung dawn a. Zanriah an kilpui nghal bawk ang.
Mizoram tana Lalhuntharan (Gold – Ritchawi) Medal latute hi Zorammuana (Silver – boxing), Lalthlamuanpuia (Silver – Taekwondo Poomsae), Vanlalhmangaihzuali leh Daniel Lalhumthanga (Silver – Taekwondo Poomsae Mixed), Lalthlamuanpuia, H.Vanlalfela leh Daniel Lalhumthanga (Gold – Taekwondo Mens Group Poomsae) te lak a ni a, hawhtlinna changte an chhuanawm hle.
MOA in Medalist te lawmpui
