Daily Newspaper

Mobile Banking in Internet banking khum vat ring

28

Mobile banking chu banking channel hman nasat ber a nih mai tur thu leh Internet banking te pawh a khum vat tur thu SBI Chairman Rajnish Kumar chuan a sawi.

“SBI hnuaia transaction 100 ah pakua chauh chu branch-a kalpui a ni a. Demonetisation lai khan ATM a transaction tih 55% vel niin tunah erawh 30% ah a tlahniam tawh a. Mobile banking chu 55% in a pung tawh zawk thung,” tiin Kumar chuan G. Ramachandran Memorial Lecture, Southern India Chamber of Commerce and Industry tena an huaihawtah a sawi.

Digital banking hmanga transaction tih chu lockdown avangin a lar zual niin a sawi a. “Pandemic laiin SBI chuan khaihlak awm lovin service a pe char char a. Mobile transaction chuan Internet banking a tluk dawn a ni,” tiin a sawi bawk.

“Covid chuan thil a thlak danglam a. A hma chuan, SEBI in digital vek turin min tur a. Mahse, tunah chuan a awlsam tawh khawp mai. Mobile banking hi hmalam hun niin theihna sang tak a awm a ni” tiin a sawi bawk.

Digital banking uar a nihna chhan chu thalai tena mobile phone an hman uar tak vang a nih thu sawiin, uar zel a nih tur thu a sawi bawk a.

Tun dinhmunah bank chuan 2.7 crore mobile user a neih thu sawiin ni 10-15 inkarah 10 lakh user a neih belh zel ang a nih thu a sawi bawk.

Centre-in PSU thenkhata chanpual a neih tihtlem tum chungchangah governance thil a ni a, bank tan a pawina a awm lo. Public emaw private pawh ni se eng enterprise pawh khar chu mi pangngai leh taxpayer te tana pawi zawk a ni tiin a sawi.

Indian Bank MD & CEO, Padmaja Chunduru, MD & CEO chuan hun eng emawti chhung chu banking sector ten short-term cost leh revenue due lamah Covid-19 in economic lama nghawng a neih avangin harsatna an tawh tur thu a sawi a.

Bank te chuan project an kalpui mek lai te chu enfiah nawn vek a, a tul leh mamawh azira resource dah thiam a ngaih thu a sawi a. Banks te chuan pandemic piah lam thleng hisapa investment an tih a ngaih thu a sawi bawk a.

“Digital hmanrua kan neih te hian banks te chu tha zawk leh nghet zawkin a siam thei a. Chungte chuan lockdown leh thil dang buaina awm theiah buaina a tawk dawn lo a ni,” tiin a sawi bawk.

Harstana leh buaina chu awm reng tur a nih rualin heng harsatna te hian customer te nena inzawmna tha leh thuk zawk a siam thei dawn nia sawi bawkin future technology a investment tih te, a tul dan azira chetdan hmang thlak danglam theih te chu tihmakmawh a nih thu a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy