Union Home Minister Amit Shah chuan Gujaratis pali- Mahatma Gandhi, Sardar Vallabhai Patel, Morarji Desai leh Narendra Modi te chuan modern history of India-ah thawh tam tak an nei a ti.
Shri Delhi Gujarati Samaj kum 125 lawmnaa chief guest a nihnaah Shah chuan India chu khawvel huapin Prime Minister Narendra Modi vangin a lar zual zel a ni a ti bawk a.
“Mahatma Gandhi, Sardar Vallabhai Patel, Morarji Desai leh Narendra Modi te, heng Gujaratis pali te hian modern history of India ah thawh tam tak an nei,” tiin a sawi.
Home minister chuan Gandhiji hnathawh avangin independence a hmu a, Sardar patel avangin India lungrualin a awm theih phah a, Morarji Desai avangin India ramah democracy chawi nunin a awm a, khawvel huapin India chuan Narendra Modi vangin fak a hlawh a ni, a ti bawk.
Heng Gujaratis pali te hian thil ropui tak an ti a, ram tana chhuanawm em em an ni tiin a sawi bawk a. Shah chuan Gujarati community te chu ram leh khawvel hmun tinah an inzarpharh tia sawi bawkin society tinah thawkin an inhnamhnawih a ni tiin a sawi bawk.
Gujarati community te chu Delhi ah an chen pawhin pawmin an awm zel a, Gujarati community te chuan Gujarat nihna chu chawi nung zelin culture te an chawikang zel a ni tiin a sawi bawk a.
Shah chuan PM Modi-an kum kua zet ram a hruai chhungin hmasawnna nasa tak a thleng tiin a sawi bawk a. Kum 2014 khan Modi a PM khan India economy chu 11 na a ni a, kum kua a ral meuh chuan Indian economy chu khawvel pumah 5-naah a chho tawh a ni. IMF te ang leh agency hrang hrang te chuan India economy dinhmun a duhawm an ti tiin a sawi bawk.
PM Modi kaihhruaina hnuaiah India chuan surgical leh air strike a nei tia sawi bawkin eng ram mahin India ramri chu an namnul tawh ngai lo a ti bawk a. Shah chuan India mipui 130 crore te chuan Covid vaccine an la tawh a ti bawk a.
PM Modi hnuaiah India chu khawvela mobile siamchhuaktu lian ber a ni tawh a, startup tam ber ram pathumna niin renewable energy production lamah palina a ni a ti bawk.
Modern India tana thawhlawk Gujarati mi pali
![](https://theaizawlpost.org/wp-content/uploads/tap_logo-min-large.jpg)