Prime Minister Narendra Modi chuan May 17 khan rally a neihnaah Samajwadi Party leh Congress te chuan mipui vote hmanga thuneihna an chang a nih chuan in bungruate laksak che u in ‘vote jihad’ kalpuitu te hnenah an pe ang a ti.
Hamirpur a rally a neihnaah Modi chuan mipuite chu Uttar Pradesh a Opposition pahnih te thiltum lakah fimkhur turin a ti a.
“Vawiin hian SP leh Congress te laka fimkhur tura hrilh tur che u in ka lokal a ni. In vote an la ang a, thuneihna an chan hnuah an tana vote jihad kalpuitute hnenah in bungrua an sem ang” tiin a sawi a.
“Tun tum hian SP leh Congress te chuan inthlan hma hauhin an thiltum an tichiang a. Congress te chuan mi tinte property neihte zirchiangin chungte chu an vote bank leh an laka vote jihad kalpuitute hnenah kan sem ang an ti a ni” tiin a sawi bawk.
Congress te chuan Article 370 kan hmang leh ang an ti bawk a, Opposition party te hian Pakistan in nuclear bomb a nei an ti bawk a, an hriat loh erawh Pakistan chuan an bomb enkawl chhunzawm zelna tur sum a nei lo tih a ni a ti bawk.
Hamirpur seat inchuh hian candidate 11 an awm a, inbei ber tura ngaih chu BJP candidate Kunwar Pushpendra Singh leh SP candidate Ajendra Singh Lodhi te an ni a, May 20 ah inthlanna an nei ang
Modi-an SP leh Cong-ho vote jihad-te pe dawn ti
