Daily Newspaper

Monsoon Session neih turah bill 17 lai pharh dawn

14

State Bank of India kaihhruai consortium te hnenah Vijaya Mallya case kalzelah Kingfisher Airlines a share Rs 792.11 crore chu Enforcement Directorate (ED) ten an hlan let.

Vijay Mallya bakah diamond merchant Nirav Modi leh a putea Mehul Choksi te case kal zelah ED te chuan public sector bank te hnenah Rs 12,762.25 crore an pe let tawh a. Heng mi pathumte hian heng bank te sum Rs 22,585.83 crore an tihchingpen sak a ni.

Tun thlengin bank te hnenah hian an hloh atangin 58% pek let tawh an ni a. ED te chuan heng misual pathum te asset hi Prevention of Money Laundering Act hmangin an asset Rs 18,217.27 crore hu an laklet sak tawh a ni.

Mallya case-ah consortium te chuan Rs 7,181.50 crore hu an la let leh tawh a. Ni rei vak lo kaltaah khan ED te chuan SBI kaihhruai consortium te hnenah hian Rs 3,728.64 crore an lo pe tawh bawk a, heng zingah hian share Rs 3,644.74 crore hu, Rs 54.33 crore hu demand draft leh immovable property Rs 29.57 crore hu a tel niin ED official-te chuan an sawi.

Punjab National Bank fraud case kal zelah Nirav Modi, Choksi leh midangte chu Fugitive Economic Offence Court chuan bank-te chu asset Rs 1,060 crore hu an laklet a phalsak tawh bawk a. ED te hian property Rs 329.67 crore hu Fugitive Economic Offenders Act hmangin an chhuhsak tawh bawk.
July 1 khan Nirav Modi unaunu Purvi pawhin London account atangin Rs 17.25 crore chu ED te hnenah a pe let bawk a. Special court chuan Purvi leh a pasalte chu approver-ah hman a remti a ni.

Hetihlai hian Westminster Magistrate Court chuan Mallya chu India rama thawn haw a remti a, chu chu UK High Court pawhin a pawmpui tawh bawk a. UK Supreme Court-a appeal a siam pawh hnawl sak a ni bawk a. Mahse, thutlukna tawp chu UK Home Department-in a siam tur a ni thung.

Westminster Magistrates Court chuan Nirav Modi India rama thawn haw pawh a remti tawh bawk a. Choksi pawhin Antigua-ah extradition proceeding a hmachhawn a, May 23 khan Antigua atanga boin a hnuah Dominica-ah hmuh a ni thung a ni.

Tunkar tirlam khan Dominican High Court chuan Mehul Choksi chu Antigua-a a zin let a phalsak a. Mehul Choksi hian Antigua-ah tu ten emaw ru bovin Dominica-ah an hruai tiin a sawi thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy