Country star Morgan Wallen chu Denver-a Mile High Stadium-a a concert-naah niminpiah kan stage-a ‘Cowgrils’ tih hla a sak laiin concert entu mipui atangin iPhone-in a darah an vawm fuh a, Wallen hian phone chu chharin mipui lamah a vawm let a, a zai chhunzawm ve leh mai bawk a.
Wallen hian hetianga stage-a perform laia invawm hi a tawng ta zauh zauh mai a, nikum March thla khan Melbourne, Australia-a a concert-naa no-a in tur awmin an vawm tawh a, mahse, a lo bum hman. Hemi tum hian a zai lai tawpin, music a tih tawp tir a, no rawn thlawh chhuahna lam a thlir a, mipui lamin, “theh chhuak rawh u! theh chhuak rawh u,” tiin an lo au pur ve bawk a. Wallen chuan an rawn vawmna lam chu kawkin, “Khai le. A titu kha in inpuan loh chuan nangni ho kha invaiin ka nawr chhuah tir dawn che u. A titu kha inpuang teh u. Aw le, kha nau kha he hmun atang hian nawr chhuak rawh ule,” a ti zui a.
Thla kalta a Minneapolis-a show a neihah pawh Wallen hi hmeichhe underwear-in a hmaiah tak an vawm tawh bawk.
Tunhnaiah zaithiamte stage-a an perform laia vawm hi a hluar ta riau a, nikum June thla khan Pink chu Hyde Park-ah a perform laiin meivapin an theh a, Cardi B pawh nikum August thla khan a perform laiin tuiin an theh a, nikum June khan Bebe Rexha pawh a perform laiin phone-in an vawm a, a inhliam phah deuh nghe nghe. Harry Styles pawh Los Angeles-ah a perform laiin a mitah an vawm a, Kid Cudi paw Rolling Loud-ah a perform laiin bottle-in an vawm taw bawk.
Morgan Wallen a concert-naah phone-in an vawm
