Zirtawpni-ah Lok Sabha MP tur thlangin Mizoram mipuiin vote an thlak dawn a, cmpaign hun pawh a tawp tawh. He inthlan lo awm tur hi a thawm a zawi a, mipui titi a tling tak tak thei lo tiin a sawi theih ang.
Party-te leh candidate-te’n theihtawp an chhuah a, zin pawh an zin nasa. Chutih laiin PC party erawh sum harsatna avangin an zin thei lo.
PC party hi Kolasib-a an zin bak a huhova campaign-a zin chhuah an nei lo a, Aizawl leh Aizawl chhehvel chu an hrut ve.
Independent ticket-a ding Lalhriatrenga Chhangte pawh khaw 30 velah a zin a, PC party aiin a zin tam.
“Sum kan nei lo a, tihngaihna a awm lo a ni. Sum hi neih a har khawp mai,” PC party president Vanlalruata chuan a ti a, social media hmanga theihtawp an chhuah thu a sawi.
Campaign thu leh hla ber pakhat chu BJP hmanga inbeihna a ni a, social media lamah pawh hemi chungchang hian khel a hlawh. ZPM candidate chungchangah thu inchuh a awm a, hei hi tun tum inthlana thupui ring ber a ni mai awm e.
MP inthlan thawm zawi
