Madhya Pradesh Assembly election a chak ngei tumin BJP te chuan thapui thawhin candidate an siam zingah MP ni lai pasarih awmin an zinga pahtum phei chu Union Minister ni mek an ni a. Prime Minister Naredra Modi chuan rally nei chamchi bawkin BJP te chuan thuneihna chan an tum chiang hle.
High-decibel campaign an neih piah lamah BJP te chuan ‘next generation’ approach kalsan bawkin hei hi Congress lian chak tak dan an tumna nia ngaih a ni bawk a.
Saffron party te chuan kum 70 chung lam candidate pawh 14 lawih an nei a, an zinga upa ber chu kum 80 a ni tawh bawk a. Opposition Congress te chuan kum 70 chunglam pakua an nei thung.
BJP te hian politician upa zawk te an thlanna chhan hi Karnataka inthlana candidate naupang zawk an thlana an chaklohpui kalsanna tia sawi a ni bawk a.
BJP te chuan kum 80-a upa Nagendra Singh Nagod, State mInister hlui chu Satna district a Nagod Assembly constituency-ah an dintir a, kum 79-a upa Nagendra Singh pawh Rewa district a Gurh ah an dintir bawk. Gurh ah hian AAP te chuan kum 35 mi leh US-a hnathawk a hna bansana AAP candidate Prakhar Pratap Singh a khing tel dawn a ni.
Nagod leh Singh te hi MLA ni lai ve ve niin thla nga kalta kha chuan inthlan a chuh leh an tum tawh loh thu sawi ve ve an ni tiin Jairam Shukla, political observer ni bawk chuana sawi a.
Anni bakah hian Jayant Malaiya (76), Damoh ah, Jagannath Singh Raghuvanshi (75), Chanderi, Ashok Nagar district ah, Sitasharan Sharma (73), Hoshangabad, Narmada-puram ah, Bisahulal Singh (73), Anuppur seat-ah leh Maya Singh (73), Gwalior east-ah te ding turin BJP te chuan an chhawpchhuak bawk a.
Kum 2016 kha chuan Sartaj Singh khatihlaia kum 76 a upa chu Shivraj Singh Cabinet ah khan a upa lutuk tawh tiin an chawlh luih tir a. Kum 78 a nihin kum 2018 Assembly poll ah ticket an pe duh lo va, Congress zawmin mahse a tling zo ta chuang lo. Kha mi kum khan tuna kum 80 ni tawh Kusum mahdele pawh minisetr a ni chungin ticket an lo pe duh tawh lo bawk.
BJP tena candidate upa awmkhawmna tia an elhsen Congress te chuan kum 70 chung lam candidate pakua an nei thung a, a upa ebr chu kum 77 mi a ni.
Congress te chuan Narendra Nahata (77) chu Manasa, Neemuch district ah, Kamal Nath (76) chu Chhindwara ah, Bhanwar Singh Shekhawat (73) chu Badnawar, Rajendra Kumar Singh (73) chu Amarpatan, Girjashankar Sharma (73) chu Hoshangabad, Govind Singh leh Baijnath Singh Yadav, kumh 72 mi ni ve ve chu Lahar, Bhind leh Kolaras, Shivpuri-ah an dintir dawn bawk a. Sajjan Singh Verma leh Subhash Sojatia, kum 71 ve ve te pawh Sonkach leh Garroth ah te an dintir dawn bawk.
BJP tena ticket an pek dan chuan mak tih a hlawh hle a, April 2019 daih tawh khan khatihliaa BJP president Amit Shah chuan party chuan Lok Sabha inthlanah kum 75 chin chunglam ticket pek an tum tawh lo tiin a lo sawi tawh a. Khavang khan veteran leader L.K. Advani leh Murali Manohar Joshi te pawh ticket pek an ni tawh lo a ni.
Senior journalist leh political analyst Rakesh Dixit chuan, “Tun tumah hi chuan BJP te chuan kum upa lam te chu thuneihna chan zui nan remchanga hman an tum a ni,” tiin a sawi a.
Inthlan hnuhnung bera kum 81 a upa Ramkrishna Kusmaria ticket an pek duh loh avang khan bundelkhand region ah chuan an party in an chiat chiat phah nasa a ni a ti bawk a. Khang vang khan BJP te chuan Congress leh Bahujan Samaj Party candidate te an hneh loh phah tiin a sawi bawk.
Kusmaria erawh BJP a chhuahsan hnuah letlehin Noember 17 inthlan atan BJP sorkar chuan Bundelkhand vela anc hetchhiat loh nan chairman of MP State Backward Classes Commission ah an dah zui a.
February 2020 khan V.D. Sharma kum 50 mi chu MP BJP chief ah dah a nih hnuah hruaitu la naupang zawk te thlangin hma a la a, district president ah pawh naupang zawk te hlir a dah a ni.
Chu chuan party senior ten an duh lo hle a, an aia naupang daih te kaihhruaina hnuaia party meeting neiha thut chu an duh lo tih a ni bawk a.
Kumin hian BJP te chuanc hak ngei tumin Lok Sabha MP pasarih lawih dahin an zignah union minister ni lai Narendra Singh Tomar, Prahlad Patel leh Faggan Singh Kulaste te pawh an tel a. General secretary kailash Vijayvargiya pawh dah telin Prime Minister Modi chuan rally a nei zing hle bawk.
Inthlan hnuhnung berah khan Congress te chuan tlemtea chakna changin BSP leh SP te puuihna in Kamal Nath kaihhruai sorkar a din a.
Mahse Kamal nath sorkar chu kum 2020 khan Jyotiraditya Scindia leh a laka MLA rinawm te uire vanga kehchhia in BJP sorkar Shivraj Singh Chouhan sorkar chu a pian leh phah a ni.
Scindia loyalist-te chu Chouhan Cabinet-ah portfolio pawimawh pek vek ni zuiin Scindia ngei pawh Union Civil Aviation Minister nih tir a ni bawk.
MP inthlan turah BJP ten kalphung thlak
