MP nih chuan sawrkar khalh ngiltu nih tum ang

Mizoram Lok Sabha MP atana thlantlin a nih chuan state sawrkar khalh ngiltu ah a tang dawn tih PC candidate Rita Malsawmi chuan a sawi.
Zirtawpnia PC office-a inkhawmah Rita Malsawmi chuan MP nihna leh dinhmun pawimawh zia, sawrkar khalh ngil tura hna an thawh theih zia kan la hre tawk lo nia a a ngaih thu sawiin, “MP-te hi central sum endiktu District Vigilance and Monitoring Committee-a chairman an nih avangin, MP a nih chuan central atanga sum lokalte enfiahtu a ni dawn tih a sawi.
“Sawrkar hi ka khalh ngil thei dawn a. Sawrkar thawhpui theih MP kan neih thin avanga Mizoramah corruption do a har a, sawrkarin tha taka hna a thawh theihnan opposition MP kan neih a tul,” a ti.