MP-te model village thlana
hmalak tawh dan an thlirho
Serchhip district-a Sansad Adarsh Gram Yojana (SAGY) scheme hnuaia model village-a thlan pali-a hmalakna chu Thawhtanni khan thirho a ni.
SAGY hnuaiah model village atana Member of Parliament (MP) ten an thlan khaw pali a awm a. Kum 2014-a Lok Sabha MP CL Ruala thlan Khawlailung leh Rajya Sabha MP Ronald Sapa Tlau thlan Chhiahtlang, kum 2021-a Lok Sabha MP C Lalrosanga thlan Khumtung leh 2023-a Rajya Sabha MP K Vanlalvena thlan North Mualcheng te an ni.
Rural Development addl secretary V Lalengmawia chuan a telpui a. Model village kaihhnawih department ho an tel. SAGY hnuaia hnathawh chu a tha thawkhata ngaih a ni a, hmachhawp awm chu theih anga bawhzui tura rel a ni.
Thingtlang khuaten sawt zawka hmasawnna rahbi an rah theihna turin SAGY hi sawkar laipui chuan a duang a. Lok Sabha leh Rajya Sabha MP-ten thingtlang khua an duh ber model village atan an thlang a, heng an thlanchhuah khuaah hian sawrkar laipui scheme hrang hrang kalpuiin a theih chin chinah state scheme nen chhunfin a ni a. Bawrhsap kaihhruaiin monitoring committee din a ni a, hmalakna hrang hrang an vil a ni.
MP-te model village thlana hmalak tawh dan an thlirho
