Daily Newspaper

MPESS tlingtharte hrual chho tan

28

Mizoram Planning, Economic & Statistics Service-a lut thar mi parukte tuaihriamna puala hun buatsaih chu Thawhtanni khan hman a ni. Hemi hnu hian larsap leh chief minister an hmu bawk.

October 15 thleng awh tur he inkhawm hi Planning & Programme Implementation commissioner & secretary Dr C Vanlalramsanga bakah Planning additional secretary Lalramsanga Sailo leh Economics & Statistics director Dr Lalrinchhana ten an hriat tur tul leh pawimawhte an hrilh a.

MPESS lak tharte hi kumin kumtir lama written test nei tawh niin, Covid lockdown avangin September-ah personal interview an nei thei chauh a ni. An zinga mi pahnih hi Planning Department-a post an ni a, a dang pahnih hi Directorate of Economic & Statistics-ah post niin pakhat hi UD&PA-a post a ni. Department officer-ten training an neihpui dawn a ni.

MPESS tling tharte hian larsap PS Sreedharan Pillai an kawm a. Economics & Statistics director Dr Lalrinchhana leh Planning & Prog Implementation official-ten an tawiawm a ni.

Larsap chuan planning officer tharte chu India hmarchhak tihhmasawnna atana India sawrkarin budget pum atanga zaa 10 a dahhrang chu hmarchhaka cheng mi tlemte, India ram mipui zinga zaa 3.76 zah awrh tan chuan tam tham tak a nih thu a sawi a. Hei hi project siamtute pawhin an hriatchian a ngai, tiin, central atanga sum hailuh kawngah nasa zawka tan a ngai tih a sawi.

Chief minister Zoramthanga an hmuhnaah sawrkar inrelbawlnaah planning pawimawh thu lo hrilhin, “Thil awmlo atanga dinchhuah ngaih chang a awm thin a, mipui leh ram mamawh ni si, sawrkar atanga ruahmanna awm si loh avanga din chawp a tul thin,” a ti a. MPESS officer tharte chu ram tana mi tangkai tak an nih theih nan an hmabakah theihtawp chhuah turin a chah.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy