Aizawl East-I Mizoram People Forum Constituency Forum buatsaihin Thawhlehni khan Falkland Presbyterian Kohhran Hall ah political seminar neih a ni a. MPF Gen Hqrs general secretary Rev Lalramliana Pachuau chu resource person niin “Kan mamawh ram hruaitu tha” tih hmangin paper zirho a nih bakah MPF leh political party-ten thawhhona thuthlung an ziah sawizau a ni.
MPF general secretary chuan ram hruaitu tha kan mamawh dan sawiin, ram leh hnam leh sakhua him nan, ram hmasawnna atan, hlemhletna tibo turin, ram inrelbawlna tha nei turin, thalaite chawk phur tur leh tichak turin, nungcha leh thilsiam dang enkawl thiam tur leh, a lu ber leh a thuihhruaite pawimawhna a sawi a ni.
He hunah hian Zemabawk, Zemabawk North, Zuangtui, Sihphir Venghlun, Thuampui, Muanna Veng, Falkland leh Sihphir Local Forum atangin mi 65 an tel a ni.
MPF Aizawl East-I seminar
