Mizoram Premier League Under-18 (2022-2023) chu February ni 14 atanga khelh tan tura ruahman a ni.
He inelna hi double leg-a khelh tur a ni a, a tawpa point hmu sang team pahnihin final an khel ang.
MPL U-18 Organising Board chuan tun hmaa harsatna awmte thlirin kum dik thei ang bera kalpui an tum a, MFA Registration Committee nena tangkawpin CRS-a inziaklut turte birth certificate zawng zawngte Economic & Statistic Department-ah a dik leh dik loh endik turin an thawn zel a, pian kum dik lote hi department lam hian an birth certificate dik tak nen an rawn hriattir zel a ni.
Tun atang chuan CRS registration ti tur reng rengte pawh birth certificate dik tak nen lo chuan a tih theih tawh dawn lo a, football inelnaa kum dik taka kal turin rua-hmanna siam a ni.
MPL U-18 hi khelmual remchan dan azirin khelh dan tur ruahman chhoh zel a ni ang a; hetih lai hian MFA Under 15 League pawh team parukte khelh turin hmalakna chak takin a kal zel bawk.
Hei bakah hian Reliance Young Champs nen tang-kawpin Naupang League kalpui m>k a ni a; Aizawl bakah Champhai, Lunglei leh Kolasib-ah kum lama naupang zawkte t^n inelna kalpui a ni.