MRB-in ban elh chak chawimawi
Uzbekistan-a World Armwrestling Cup 2025 neih zawh taka silver medalist Denic Lalruattluanga chu Mizoram Rural Bank chuan Thawhtanni khan chawimawina a hlan.
Asian Champion ni tawh leh World Armwrestling Cup 2025 neih zawh taka 80 kgs category-a silver medal dawngtu Denic Lalruattluanga chawimawina hi Mizoram Rural Bank Head Office-ah neih a ni a. MRB chairman Sheryl L Vanchhong chuan lawmpuina leh chawimawina thilpek hlanin, MRB account passbook, Platinum ATM Card bakah sumfai cheng nuai hnih a ni. Denic-a puala MRB-in cake an siam chu an zai nghal bawk.
MRB chu a tan bank hlu tak a ni tih Denic Lalruattluanga hian a sawi a. A mamawh sum MRB-in a pek avangin nasa lehzuala a tan tur thu leh gold a la rawn hawn tur thu a sawi a ni. Tunah ProPanja inelna atan a inbuatsaih leh mek tih a sawi bawk.
MRB-in ban elh chak chawimawi
