MRB-in hlawkna hmu tha
Mizoramah vek hmangral
Sawrkar kum kalta chhung khan Mizoram Rural Bank chuan hlawkna cheng nuai 65 chuang a hmu a, Mizoramah chauh an awm avangin an sum virvel hi state pawna luangchhuak a awm ve lo tih an sawi.
Thawhtanni khan Mizoram Rural Bank Board of Directors chuan kum 2022- 2023 chhunga sum an vawn dan leh endik dan an puang a. MRB chairman V Jaya Chandra chuan 2022- 2023 chhung hian, paih ngai zawng zawng an paih fel vek hnu ah hlawkna (net profit) cheng nuai 65.19 an nei tih a sawi.
Mizoram hmun hrang hrangah MRB chuan branch 102 neiin, thawktu 447 an awm a. Kum 2023- 2024 chhungin branch thar 8/9 hawn belh an tum tih a sawi a ni.
MRB chu bank dang ang loin Mizoram chhung chauha awm an ni a, bank-a sum awm zawng zawng pawh Mizoram mipui tan chauha hman niin, district 11 leh RD Block 26-ah an inzar pharh thu a, Mizo mipui a tam thei ang ber MRB hmang turin a sawm tih MRB chairman hian a sawi bawk.
The Aizawl Post zawhna chhangin MRB hotute chuan, sawkar inkaihhruaina ang an hman avangin MRB-a thawk turin Mizo duhsak bik theih ngawt an ni lo tih an sawi a ni.
MRB-in hlawkna hmu tha Mizoramah vek hmangral
![](https://theaizawlpost.org/wp-content/uploads/tap_logo-min-large.jpg)