MSL 11 – Chanmari BC
Star player rual kawltu
Mizoram Super League (MSL) 11 ah hian tualchhung star player kawl hnem ber club inzawt ta ila, inngaihtuah buai map lovin rang takin Chanmari BC an nih thu in kan chhang nghal var thei ang.
MSL 11 khel zinga club naupang ber Chanmari BC hi kum 2023 a din a ni a, hun hmasa lama Vikings leh Chanmari Vikings tih hmingpu thin hian an veng thenawm Zarkawt BCA chungah MSL 11 nomawi chawi ngei an tum tih tichiang turin player tha rual, tualchhung star player an lakkhawmte hmang hian Mizoram basketball bung thar keu ngei an tum tih hi Zawlnei tan lo pawh huai taka lo sawi lawk ngam a ni.
Hman leh tun
Chanmari BC neituipa Pu Tluangtea hian MSL 3 khan Ronald March-an Mizoram leilung a rawn rah theih ngeina turin thluak leh sum sengtu zingah a lo tel tawh.
Vikings champion theihna tura an thluakbur zinga kha tih hun laia an head coach Reuben-a ngei mai kha Chanmari BC tan hian MSL 11 ah hian coaching staff-ah tel lehin, tunhnaia Mizo zinga basketball coach nomawi chawi thei ber zinga mi Khatla East pa Vanlalnunsanga (Lana) nen an thawkdun leh dawn a, team an siksawi dan tur hi hmuh chakawm ber te zinga pakhat a ni.
Tualchhung basketball a champion rinlawk dik theih ruak thin kha thaichhiat a ni mek – Chanmari BC hian 2025, MBBA Cup an champion khan he thu hi a dik a ni tih a nemnghet chiang hle.
Hoops Mania Timeout
Star player rual kawltu Chanmari BC hian khawi team-ah pawh khel se, first five atana iaiawm loh tur an kawl thuau mai a, tualchhung tlangval player-te hian an theihna vanneihpui tak maw – he MSL 11 ah hian!
Chanmari BC manager chuan, “MSL-11 kan nghakhlel tawh khawp mai. Kan hruaitute leh players inpekna a fakawm tak zet. Chutih rual erawh chuan Inter state players te man to uchuak lutuk hian lu a ti hai, foreign player-te ai mahin an inchhiar to. Team awmsa leh kaitharte kan in tluk tlan ber tum a ni maithei a ni.
“A huphurhawmin a phurawm dawn khawp mai. Vengchhung mipui bakah kan club min tantute a hmun ngei a min tawiawm turin kan sawmin kan ngen nghal bawk e” tiin MSL chungchanga a ngaihdan a sawi.
Team list
Michael Liansanga Serchhip
Vanlaltluanga Saron
Lalnunsanga Kanan
Lalrozama Kanan
Malsawmtluanga Serchhip
Eddie Zaithanmawia Kolasib
Stalin Thangminlun Chanmari
Samuel Lalramdintluanga Republic
Samson Lalchhuanmawia Chaltlang
Reuben Lalsangkima Ramthar
Lalruatkima Ramhlun North
Vanlalruata Ainawn
Coach : Vanlalnunsanga Khatla East
Asst. Coach : Vanlalhruaia Vaiphei Chanmari
Manager : Reuben Lalchhandama Chanmari
Physio : Ruthi Vanlalniengmawii