Mizoram Basketball Association (MBBA) chuan a hnuaia club (MSL, D League leh Women’s League) te tan Season khuhhawnna Favang Tournament a buatsaih zo chiah a, MSL club Zarkawt BCA leh Saron BC-te chuan an coaching staff an siksawi nghal pang!
Tualchhung Mizo player tha rual khelhna leh Favang tournament neih zawh taka champion Zarkawt BCA chuan an head coach H. Lalhruaitluanga (Ahruaia) nena an thawhdunna an chhu chat!
MSL 3 a kum naupang te a Mission veng Vikings champion tuma Asst. Coach ni thei Ahruaia hi tun dinhmuna Mizoram basketball-a huhang ngah ber Zemabawk BC chuan an head coach C. Vanengmawia thachhangdawl turin an la lut nghal a, chona thar Ahruaia tan hian a ni dawn a, fans lungawina thlentu ni tura a inbuatsaih a tul ang – a club thar hi ZBBC ni tlat hek!
Saron BC lam pawhin tawnhriat ngah tak mai an head coach Liansangpuia hovin Favang tournament an hmachhawn hnu in an thawhdunna an ti tawp zui bawk! Sangpuia aiah hian ZD Denghmingthanga (Puitea) chu an la lut a, ani hian MSL Club a tumkhat enkawlna tur a ni a – coaching huanga tawnhriat ngah tawh a ni a, fiahna Saron BC ah hian a tawng ang!
Tunhnai mai ni lo, MSL history thlirin head coach dinhmun derthawng lo an awm lo tih hi huai taka sawi ngam a ni.
MSL club te hian tualchhung Mizo te kutah head coach mawhphurhna hi nghat ngam lovin, hnam dang head coach atan Mizoram Premier League (MPL) top club te ianga an chah chhuah hun hi a hnai ta riau. Hetiang hi thleng ngat se, Mizo players tan hlawk tak maw?
MSL club coach dinhmun derthawng
