MSL XI – Zaninah Semi Finals
Khatla TBL Vs Mission Veng Hotshots
Mizoram Super League (MSL) 11 hmawrbawkna lam a inherchhuak chho tan a, zanin dar 8:30 hian semi finals hmasa zawkah Khatla TBL hmachhawn turin an veng thenawm Mission Veng Hotshots an ding dawn – game 3 khelh tura ruahmanah hian vawi hnih chak hmasa zawkin MSL 11 finals an lut ang.
Khatla TBL
MSL X finalist leh tum thum zet lo champion tawh Khatla TBL hian semi finals thleng turin paltlang team pasarih an nei a, an dinhmun thlir teh ang u.
1st match – TBL 62 – 73 Saron BC
2nd match – CV 52 – 69 TBL
3rd match – ZBBC 79 – 96 TBL
4th match – TBL 69 – 64 BCA
5th match – TKS 68 – 102 TBL
6th match – TBL 74 – 60 CBBC
7th match – MSV 78 – 89 TBL
An star player Emmanuel VL. Awmpuia hian match 7 a khelh tawh atangin point 15.1 a nei phak a; a kiangah an captain Thazuala pawhin match 6 a khelh atangin point 14.8 zet a nei thei cheu.
Mission Veng Hotshots
Mission Veng Hotshots hian an club din tirhah puipaten Rs 500/- tel tel thawhkhawmin bul an tan a, an club Chairman hmasa ber Lsa mual liam hnu kum 2000 khan MSL 7 an khel a, semi final an lut; MSL 8 ah pawh semi final an lut zui leh!
Tun season hian MSV Hotshots hian beisei phaka khelin hei zanin hian semi final an khel dawn, club puipa Aizawl tlangvalrual thianho hian mi bik D. Johnson-an chah chhuak a, ani hian 33.7 match tina point nei pha thei a ni; a kiangah tualchhung tlangval Ruatkima awmin 16.4 ppg nei phak a la awm cheu.
MSL 11 a an zin kawng hi thlir zui ve teh ang:
1st match – MSV 84 – 78 ZBBC
2nd match – MSV 106 – 73 TKS
3rd match – CBBC 80- 79 MSV
4th match – CVBC 77- 87 MSV
5th match – MSV 78- 73 Saron BC
6th match – MSV 72 – 89 BCA
7th match – MSV 78 – 89 TBL
Hoops Mania Timeout
Zanina inkhel turte hi league round lamah an lo insu tawh a, Khatla TBL te hi point 12 in an chak. Hei hi league round hnuhnung berah a ni nghe nghe a, MSV 78 – 89 TBL!
Coach pahnih Mapuia (Khatla TBL) leh Ahruaia (MSV Hotshots) hi hi tawnhriat inthlau deuh mah se, an thluak hriat that avanga hriat hlawh dun an lo ni tawh – an player-te an siksawi danah thui takin team pahnih inkar hi inthlau tura ngaih an ni.
Relegation Battle
Tlai lam dar 5:30 hian Saron BC leh Chhinga Veng BC ten relegation match an khel dawn. League round-ah Saron BC hian Chhinga Veng BC hi 86 – 73 in an lo hneh tawh.
Coach pahnih Afela (CVBBC) leh Marc Sailo (Saron BC) te hian Zarkawt BCA lo champion-pui ve ve tawhin, tun dinhmunah chuan anni pahnih hian inelna khirhkhan an la tawn ngai loh an hmachhawn a tul dawn ta thung. An club enkawl thin erawh dan pangaiin semi finals an khel dawn.