National Highway No.54, Chhiahtlang- Serchhip- Keitum road siam mek chu Ningani khan Mizoram State Project Monitoring Committee (MSPMC) chuan an secretary Er Lalthanzuala Ralte hoin an endik.
MSPMC team hian kawngpui siam hi a hmunah tlawhin, lei tawlh leh retaining wall chim leh tlabal, kawngpui bawl leh khuar tam lutuk, leimin venna atana an dah gabion wall chim bakah leitawlhin a nghawng thildangte an en a. Chhiahtlang atanga tanin Serchhip leh Keitum thlenga an endik hnuah NHIDCL aiawhte leh contractor-te an thukhawm.
MSPMC hian contractor-ten kawng siamna leh retaining wall siamna atana an hmanraw hman leh an hnathawh quality an duh khawp loh thu an sawi a. Hmanraw tha karah a tha tawk lo hman a awm thin thu, engineering defect a awm nia an hmuh thu, pavement innghahna lei insawh nghet tawk lo, tuihawk luankawr an siamten duhthu a sam loh thu leh siamthat leh cheithat ngai tam tak an hmuh thu an hrilh a. A leilung zirchianna an neih that leh that loh, soil test an neih dante zawtin laboratory-a test an neih dan thehlut turin an hriattir
Contractor-te pawhin ruahsur nasa avanga harsatna an tawh dan an thlen a. A theih chin chinah kawng chhia siamthat hna an thawh mek thu leh furpui a reh veleh rang taka chak lehzuala an thawh theih an inbeisei thu an sawi a ni.
MSPMC-in kawng thawmthat danah tha tawk lo lai an hmu
