Mizoram State Sports Council executive thutkhawm chu Inrinni khan an president, Sports & Youth Services minister Lalnghinglova Hmar kaihhruaia neih a ni.
MSSC president chuan sports association-a hruaitu nih chu voluntary a ni a, kan tha sen zawng zawng suma chantir dawn chuan a tam tham hle dawn, tiin, “Kan inpekna zawng zawng a man hmuh let tuma pawl kan hruai a nih chuan kan inpekna thinlung a fuh loang. Hetiang hruaitu, sports association zingah kan lo awm a nih chuan kan chawlh hahdam mai a tha zawk awm e,” a ti.
MSSC executive meeting hian sports association thenkhat MSSC recognition dilna, MSSC hnuaia committee peng hrang hrang din chungchang, recognised sports discipline-ten Mizoram Incentive Cash Award Scheme 2020 hnuaia incentive dawng ve thei tura sawrkar hnena rawtna thlen, recognised sports association chawikana tihchangtlun dan tur, MSSC Golden Jubilee lawm dan tur leh thildang rel a ni.
MSSC hotute thukhawm
