Daily Newspaper

MSSC hruaitu pahnih thlang


Kum 2020-2023 chhung atana Mizoram State Sports Council vice president leh joint secretary tur chu Zirtawpni khan Aizawlah thlan a ni.

Vice president post hi chuhtu dang an awmloh avangin V. Lalzawmliana, Mizoram Archery Association president leh 6th MSSC term-a vice president lo ni tawh chu tlinga puan a ni a. Joint secretary atan C. Lalrinzuala, Mizoram Table Tennis Association president chu thlan a ni.

MSSC president leh Sports & Youth Services minister ni bawk Robert Romawia Royte bakah member thahnem takin vote an thlak a, MSSC Executive Committee-in a rel tawh angin Covid-19 vanga home quarantine-a awm mekte leh damlohna avanga a hmuna vote thlak theilo member, Aizawla awmte chu postal ballot hmanga vote thlaktir an ni. Vote hi member awm zawng zawngten thlakin, zaah za a tla a ni.

7th Mizoram State Sports Council (2020-23) ah hian member 42 awmin, office bearer 5 zingah vice president leh joint secretary post hi MSSC Act leh MSSC Rules 2005-in a phut angin member-ten an thlang a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy