Jung Kook hi MTV EMA-ah BTS angin a perform tawh a, mahse, tun hi he show bikah chuan a solo performance vawi khatna tur a ni. Ani bakah hian The Kid LAROI, Sabrina Carpernter, Coi Leray leh Rema te pawh perform tura puan zingah an tel a, Rema, The Kid Laroi, Coi Leray leh Sabrina Carpenter te pawh MTV EMA-a an vawi khat perform-na tur a ni.
MTV EMA hi November ni 5-a sem tur a ni a, Paris Nord Villepinte-ah an sem dawn a, ram hrang hrang 150 chuangah live-a tihchhuah a nih dawn bakah Pluto TV leh Paranmount+-ah te pawh a en theih ang.
Perform tura puan tawh zingah Anne-Marie, David Guetta, Manuel Turizo, Ozuna, Reneé Rapp leh Thirty Seconds to Mars te pawh an tel a, kumina perform tur ho hi nominee an ni deuh vek a, Jung Kook pawh hian ‘Seven’ featuring Latto avangin nomination pathum a nei a, Rema pawhin ‘Calm Down’ featuring Selena Gomez avangin nomination pathum a nei bawk. Jung Kook hi best song, best K-pop leh biggest fan-ah te nominate a ni a, Rema pawh hi best song, best collaboration leh best Afrobeats-ah nominate a ni.
Thirty Seconds to Mars hian EMA pakua an lo dawng tawh a, kumina perform tura puan tawh zingah MTV EMA dawng hnem tawh ber an ni a, kumina award semna tur khawchhuak Davie Guetta pawhin award paruk a lo dawng tawh a ni.
MTV EMA-a performer tur Jung Kook, The Kid LAROI leh Sabrina Carpenter
