Daily Newspaper

MTV VMA-ah Lady Gaga leh Ariana Grand bakah Miley a che dawn

10

MTV chuan 2020 Video Music Awards (VMA) semnaa perform tur an puan thar zingah Lady Gaga leh Ariana Grande leh Miley Cyrus a tel ve leh ta a, Gaga leh Grande hian an hla hit ‘Rain On Me’ an perform dawn a, Miley hian a hla thar ‘Midnight Sky’ a perform ve thung ang. Miley hi MTV VMA stage-a a tum nga perform-na tur a ni ta a, 2013, 2015, 2017 leh 2019-ah te a inlan tawh a, 2013-a Robin Thicke nena an perform phei kha chuan sawih deuh hat a kai nghe nghe a nih kha.

Gaga leh Grande hi kumin MTV VMA nomination-a lang hnem ber niin, nomination pakua ve ve an nei a, chung zinga pasarih chu an hla perform tur ‘Rain On Me’ avanga an lanna a ni a, he hla vang hian video of the year, song of the year, best collaboration, best pop, best cinematography, best visual effects leh bext choreography-ah te a lang nghe nghe a ni.

Grande hi MTV VMA-ah a vawi li perform-na tur a ni tawh a, 2018-ah ‘God Is a Woman’ a perform a, 2016-ah Nicki Minaj Jessie J nen an inlan hi a, 2014-ah amahin a inlan bawk.

Kumin MTV VMA-ah hian The Weeknd, Roddy Ricch, BTS, Doja Cat, J Balvin, Maluma leh CNCO te chu perform tura puan an lo ni tawh a, he show hi Keke Palmer-i’n a host dawn a ni. Kumin VMA-ah hian Gaga leh Ariana Grande ten nomination pakua ve ve neiin an langsar ber a, The Weeknd leh Billie Eilish ten nomination paruk ve ve neiin an dawt.

MTV VMA hi August ni 30 a sem tur a ni a, New York khawlai hmun hrang hrangah zaithiam te hi an perform dawn a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy