Daily Newspaper

Muaythai Championship-ah Aizawl

9

Nimin khan Spes Gym, Dawrpuiah 1st Mizoram Inter District Muaythai Championship 2020 kharna hun leh lawmman semna hun buatsaih niin, he hun hi Sports, Tourism & ICT Board vice chairman TC Pachhunga chuan khuallian niin a hmanpui.

1st Mizoram Inter Distrct Muaythai Championship-ah hian a pumpuiah Aizawl District an champion a, gold 10, silver 6 leh bronze 7 dawngin, Champhai district chu pahnihna an ni a, Serchhip District pathumna an ni.

Khuallian Pachhunga chuan infiammite’n ram an tihming\ha \hin tih sawiin, sum leh pai tam tak hlawh tur a awm tawh avangin anmahni mai ni lo, an chhungte leh ramin hlawkna a tel mek tawh niin a sawi.

Khuallian chuan sawizawmin, “Muaythai Association hmalakna leh achievement-te a ropui hle a, Mizoram leh India mai ni lo khawvel huap inelna lianah pawh medal in la thei hi kan chhuang che u a, Covid-19 hripui avanga khawvelin harsatna a tawh karah pawh virtual championship hlawhtling tak in nei thei hi a ropui takzet a ni. Training-na tur hmunhma \ha in nei lo tih kan hria a, kan sawrkar chuan theihtawp a chhuah mek zel a ni.

“Sports minister chak tak Pu Robert Romawia kan nei a, hmun hrang hrangah sports hmunhma tur ruahmanna siamin lungphumte pawh phum chhoh zel a ni a, kan sawrkar hian \halaite hmasawnna tur tihtakzetin a ngaihtuah a, hna a thawk mawlh mawlh mek reng a, a chhawr\angkai berte zingah Muaythai player-te pawh tel ngei turin duhsakna ka hlan a che u,” a ti.

He championship-ah hian district hrang hrang a\angin player 64 an tel a, intihsiakna chi hnih Max Fit leh Shadow Muay-ahte category hrang hrang Sub junior (boys & girls), Junior (boys & girls), senior (mipa leh hmeichhia) leh Masters (+40 years male)-ahte inelna buatsaih a ni.

Medal leh trophy semna hun hi MAM president Brian Lalnunhlima chuan kaihruaiin, Samuel Lalrozama Hmarin championship report a pe a; he hun hi Sports, Tourism, ICT board member Lalramzauva pawhin a hmanpui ve bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy