Daily Newspaper

Muaythai pawl lawmpuina

7

Karliamta Inrinni khan Muaythai Association of Mizoram (MAM) chuan tuhnaia world champion-ship medalist leh Khan degree nei tharte lawm-puina hun a hmang.

MAM hian an pawl assistant secretary H. Lalmuanpuia in, Chan-mari West-ah kum tawp executive committee mee-ting rualin lawmpuina hun hi a buatsaih.

October ni 26 atanga November ni 6, 2020 chhunga International Federation of Muaythai Associations (IFMA) huai-hawt IFMA Virtual World Muaythai Championship-ah India aiawha tel K. Lalramchhana, Dawrpui chuan +40 years, +75kgs MaxFit category-ah bronze medal a dawng.

IFMA hnuaia ram 136 zet tel zingah India chuan a vaiin bronze medal paruk a la a, Ramchhana tih loh Mizoram atanga tel player dang pahnihte’n medal an dawng phak lo.

Virtual World Muaythai Championship endiktu international referee leh judge 157 zingah Samuel Lalrozama Hmar pawh a tel nghe nghe a ni.

IFMA chuan India rama national body United Muaythai Association – India (UMAI) kaltlangin international level instruc-tor’s Khan grading webi-nar chu November ni 6-8, 2020 leh November ni 18-22, 2020 chhungin a buatsaih bawk a, Mizoram atanga tel Samuel Lalro-zama, Dawrpui chuan Khan 15 (Assistant Grandmaster) pass tharin, V. Lalmuankima chuan Khan 13 (Assistant Master) a tling thar a; anni pahnih bakah hian Lal-hlimpuia (Zonuam) leh Liansangpuii Renthlei (Zemabawk)-te’n Khan 12 (Teacher/Professor) an tling tling thar a, K. Lalramchhana (Dawrpui) chuan Khan 11 (Assis-tant Teacher/Professor) a tling thar bawk.

He’ng medal latu leh Khan degree nei tharte hi MAM chuan Thang-chhuah diar an hlan a, Covid 19 avanga India leh Mizoram mai ni lo, khaw-vel huap intihsiakna pangngai neih theih a nih loh laia World Virtual Championship medal an la thei chu a ropui thu leh Muaythai headquarters Bangkok-a kal kher ngai lova Khan Degree sang zawk la thar Mizoramin mi panga zet a neih belh chu Muaythai Association of Mizoram tan a hluin, hlawhtlinna ropui a nih thu Muaythai president Brian Lalnunhlima’n a sawi.

Muaythai Association of Mizoram chuan Decem-ber 16-18, 2020 chhungin 1st Inter District Virtual Muaythai championship an buatsaih dawn a, Mizoram hmun hrang hranga Muaythei player-te tel vek turin an sawm.

Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy