Daily Newspaper

Muaythai Virtual Championship lawmman semchhuak

12

Nimin, Thawhtanni khan Ramhlun Indoor Stadium-ah Muaythai Association of Mizoram chuan Mizoram State Virtual Muaythai Cham-pionship-a medal leh certificate semna hun hmangin, team champion Dawrpui Muaythai Club hnenah trophy an hlan.

July ni 29 atanga August 6, 2021 chhungin Mizoram pum huap Muaythai Virtual Cham-pionship tum hnihna khelh zawh niin, nikum khan Inter District cham-pionship pawh hlawhtling taka huaihawt a lo ni tawh a, kuminah state level championship-a chhunzawm a ni.

Hripui leng avanga inkhuahkhirhna dan sawrkarin a siam avangin medal semna hun hi hman theih a ni mai lo a, inkhuahkhirna dan hawn zauh a nih tak avangin medal semna hun an buatsaih thei ta a ni.

He championship-ah hian a pumpuiah Dawr-pui Muaythai Club chuan gold medal pariat, silver panga leh bronze medal pakhat, a vaiin medal 14 an dawng a; pahnihna |huampui Muaythai Club chuan gold pali leh silver pa-thum, a vaiin medal pa-sarih an dawng; pathum-na Bethlehem Veng-thlang Muaythai Club kutah gold pahnih, silver pakhat leh bronze medal pahnih, a vaiin medal panga an rut ve bawk.

Mizoram State Virtual Muaythai Championship medal semna hun hi Muaythai Association president Brian Lal-nunhlima’n kaihruaiin, technical report petu Samuel Lalrozama Hmar chuan state cham-pionship tha tak an buatsaih theih avanga national championship lamah pawh medal 20 zet Mizoramin an lak theih thu a sawi.

He hunah hian kumin December 3-12 chhunga Phuket khawpui, Thai-land-a World Muaythai Championship khelh tura India team aiawh tura selection-a tling Mizo player pariat lai chu kalkhawmte hmaah pho-lan an ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy