Daily Newspaper

Muguruza ngam loh Pironkova

10

Tumhnih lai Grand Slam champion ni ve tawh Garbine Mugu-ruza chuan US Open kal laiah ngam loh tawngin, straight sets-a a hneh loh hi Bulgarian nu Tsvetana Pironkova a ni.

Spanish 10th seed Muguruza hi kumin Australian Open final final thleng pha a nih avang pawhin Ningani second round match-ah rinkai zawk a ni a, mahse, Wimbledon 2017 hnu lama tourna-ment khelh ve leh chiah kum 30 mi Pironkova lakah set la zo loin a tl^wm a, fa a neih avanga chawl vang vang Bulgarian hian 7-5 6-3 hnehna nen beisei loh result a chang a, Croat 18th seed Donna Vekic a tum leh ang.

Inkhel dangah world number one hlui Victo-ria Azarenka pawhin a chetthat a chhunzawm zel a, a chipui Belaru-sian ve bawk fifth seed Aryna Sabalenka lakah 6-1 6-3 hnehna nuamsa a chang.

Azarenka hian kar-liamta mai khan Wes-tern and Southern Open hnehna changin, kum 2016 hnu lama a WTA Tour title hmasaber hlawhchhuak zo hlim-hlawt a nih avangin Flushing Meadows-ah pawh hian rinkai a ni chho nghal.

Australian Open champion Sofia Kenin pawhCanada mi Leylah Fernandez lakah 6-4 6-3-in a chak a, kum 21 mi American seeded second hian third round inkhel pakhatah Tuni-sian 27th seed Ons Jabeur a tum leh ang.

American 2017 champion Sloane Ste-phens pawh round three lut zingah telin, Ningani khan 6-2 6-2-in Olga Govortsova of Belarus a sawp.
Kum 27 mi seeded 26th hian rinkai ve bawk Serena Williams a tum dawn a, inkhel ngaihven hlawh a ni.

Kumthum kalta final-a Stephens laka tl^wm seventh seed Madison Keys pawh Spain nula Aliona Bolsova lakah 6-2 6-1-in a chak a, France playerAlize Cornet nen round sang zawk luh an inchuh ang.

Tleirawl kum 19 mi Amanda Anisimova pawhin set khatna hloh zet chungin American tleirawl kum 16 mi Katrina Scott lakah 4-6 6-4 6-1 hnehna a changl>t ve bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy