MUHCS card mipui nawl pui tan
Mizoram Universal Health Care Scheme card chu man chawia inziaklut mipui nawlpui (general beneficiaries) tan neih hma a ngai a, chutihrualin empanel damdawi in hoa luh rual pawhin siam theih a ni a, hun bituk a awm lo tih sawi a ni.
Mizoram State Health Care Society hotute sawi danin, MUHCS 2.0 hman tan mekah govt employees/ provisional employees leh general beneficiarles (mipul nawlpui man chawla inziaklut) tan MUHCS hmang turin MUHCS card an neih hmasak a ngai a. CSS/GIA, pensioner leh AB PM-JAY (Golden card) hmang thei tan erawh tun dinhmunah MUHCS card siam a la ngai lo. CSS/GIA leh pensioner tan MUHCS subscription form hmangin MUHCS hnuaiah enkawlna an dawng thei a, AB PM-JAY chhungkua tan Golden card hmangin MUHCS hnuaiah enkawlna a dawn theih bawk.
MUHCS card hi Common Service Centre (CSC) ah emaw damdawi in luh rualin empanelled damdawi inah siam theih a ni a. https://muhcs.mizoram.gov.in/ ah mahnia siam mai theih a ni. MUHCS card hi siam hun bituk a awm loa, mahni remchan dana siam mai theih a ni tih an sawi a ni.
MSHCS hotute chuan, inziaklut thar an tam avangin MUHCS card hi an la siam chak thei loa, card siamtir tur hian beneficiary-te thlalak leh Aadhaar card upload a ngai dawn tih an sawi a. Tuna enkawl ngai damlote chuan payment card kengin empanel damdawi inah an siamtir nghal thei tih an sawi.
MUHCS card mipui nawl pui tan
