Daily Newspaper

Mukesh Ambani hausakna a pung, khawvela hausa ber palina a ni

18

India pa hausa, Mukesh Ambani chu khawvela sum leh pai ngah, hausa tehna list-ah palina a ni pha ta. Reliance Industries Ltd chairman Ambani hausakna hi dollar tluklehdingawn 80.6 a kai tawh a, kuminah a hausakna hi dollar tluklehdingawn 22-in a pung nasa niin Bloomberg Billionaire Index chuan a tarlang.

Mukesh Ambani hian khawvela sumdawng hausa tak tak Elon Musk leh Alphabet Inc co-founder Sergey Brin leh Larry Page te bakah Oracle of Omaha an tih mai, Warren Buffett te pawh hausak lamah a lo lehpel tawh a, Jeff Bezos, Bill Gates leh Mark Zuckerberg te chiah a pha lo a, anni pathum hi chu khawvela centibillionaire (dollar tluklehdingawn 100 nei chin) awm chhun an la ni a, Ambani pawh hi a hausakna pun chak dan enin, centibillionaire la ni thei tura ngaih a ni.

Ambani hausakna hi kuminah a pung nasa hle a, Covid-19 hrileng avanga khawvel sumdawng leh company hrang hrang te sum dinhmun a tlakchhiat laiin, Reliance Industries hi chu a hlawk zawngin an kal tlat a, an digital unit Reliance Jio chu an sum hmuhna lian ber a ni a, Jio-ah hian Facebook Inc leh Google ten sum tam tham tak an invest nghe nghe a ni.

Ambani hian a sumdawnna pawh e-commerce lamah zawi muangin a insawn hret hret a, India-a digital business thang duang takah hmun pawimawh a chang mêk a ni. Google pawhin thla kalta mai khan khawvela mihring tam berna dawttu India-ah hian digital technology lama hmasawnna atan dollar tluklehdingawn 10 invest a tum thu a lo puang tawh a ni.

THE AIZAWL POST
~Phuah Pawlh~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy