Indian Meteorological Department in a lo sawi lawk tawh ang ngeiin nilaini atang khan Mumbai leh a chhehvel chuan ruahtui an dawng nasa hle a, hmun tam takah inkalpawhna kawng a buai nasa hle.
Khawpui leh a chhehvel chu khawii lai pawh tuihawk a tling nasa hle a, ruah hi a sur zel avangin tuihawk tlingin khawpuiah tuilian a siam nasa a, inkalpawhna tam tak tibuaiin, nunphung a tibuai nasa tawh hle.
Ruahsur nasa avang hian ningani khan sorkar chuan chawlh a lo puang tawh a, hmun hlauhawm zual deuha chengte chu hmun hima inthiarchhuak turin a ti bawk.
Ruahsur nasa avang hian thlawhna thlawk chhuak leh lut tur tam tak an buai a, an tum huna tum thei lo tam tak an awm phah. Tin, rel tlan kawng tam takah tui a len nasat avangin an tlan hun sawn sak ngai an awm bawk a, ruahsur hian kian zai a la rel thei chiah lo a ni.
Mumbai leh a chhehvelin ruahtui dawng nasa
