Daily Newspaper

Murray a chak zo ta lo

32

US Open khelh hmaa inelna pakhat Western and Southern Open chu khelh mek a ni a, World No. 1 hlui Andy Murray leh Serena Williams te semi final lut zo lovin an tla a. Novak Djokovic leh Johana Konta ten hnehna changin, quarter final an lut ve thung.

First round leh second round-a khel tha tak, World No. 5 Alexander Zverev hneh thei hial Murray hian World No. 3o Milon Taonic a hmachhawn zui leh a, set la zo lovin a tla. Grand Slam-ah vawinga champion tawh Murray lakah Raonic hi a khel tha hle a, 6-2 ve vea set la zawnin nuamsa takin a chak a, quarter finala lut.

Murray a tlak lai hian Britain zinga la dam awmchhun ni turin Johana Konta chuan Vera Zvonareva a hneh a. Sere Williams hnehtu Maria Sakkari chu quarter final-ah a hmachhawn zui leh dawn.

Konta hian 6-4 6-2 in Zvonareva a hneh a, a khel tha zui zel. Quarter final-a khingpui tur Maria Sakkari chuan inkhel hmuhnawm takah Grand Slam-ah vawi 23 champion tawh Serena Williams chu 5-7 7-6 (7-5) 6-1 in a hneh a, inlehthalna lian thlentirin, hnehna pawimawh tak a chang a, quarter final a inhlangkai zui ta a ni.

Mipa lamah inkhel dangah champion tura rinkai Novak Djokovic a khel tha zui zel a, kum 2020 chhung ainelna a hmachhawn zawng zawngah la chak vekin Tennys Sandgren chu 6-2 6-4 in a paltlang a, quarter final-ah Jan-Lennard Struff a hmachhawn zui leh ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy