Daily Newspaper

Murray leh Clijsters kutah wild card hlan

54

Tunthla tawpa US Open 2020 khelh tan turah champion hlui pahnih Andy Murray leh Kim Clijsters-te chuan ranking-a an dinhmun avangin main draw an lut pha lo a, a bik taka duhsakna (wild card) hmangin New York tournament an khel dawn.

Murray hian 2012 US Open-ah khan a grand slam pathum sualchhuah ve tawh zinga a hmasaber a hlawhchhuak a, Belgian star Clijsters hian kum 2009 khan a title pathumna ni turin US Open-ah hlawhtlinna a chang ve thung.

World No 1 hlui Murray hian hun rei tak khel b^wr hliam a buaipui avangin khelmual a lut thei ta lo vang vang a, ranking lama a dinhmun pawh hniam duai tawhin, tun dinhmunah world number 129-na daih a ni tawh a, tunthla tawp ni 31 atanga khelh tan tur US Open-ah hian direct entry a chang pha lo chiah chiah a ni.

Tarlan tawh angin, kum 33 Murray-a’n 2012 US Open-a a grand slam title hmasaber a sualchhuah kh^n kum 1936 champion Fred Perry hnu lama British mipa player zinga major title la leh thei hmasaber a ni a, a hnuah grand slam title dang pahnih a hawn zui leh a ni.

Clijsters hian 2009 US Open ang bawk khan kuminah ‘magic’ a beisei leh ngeiin a rinawm a; khami kum khan nu a nih t^k avanga tennis a chawlh-sanna atanga kirin, women’s singles title kha wild card ni chungin a hlapchhuak a, kuminah pawh chu bawk chu a beisei leh tur a nih hmel.

Three-time (2005, 2009-10) US Open champion Clijsters hi kum sarih chuang a chawlh hnuin kumin kumtir lam khan tennis khel turin a kirleh a, tun hi 2012 tournament zawha a chawlh thu a puan hnua US Open a khelh leh vawikhatna tur a ni.

Kum 37 mi ni tawh Belgian nu hian kum 2011 khan Australian Open hnehna chang tawh bawkin, a chawlh rei >m avangin WTA ranking-ah a hming a lang pha rih ta lo a, chuti chungin qualifying khelh buai ngai lo zawnga duhsakna pek niin, vawithum a champion tawh belhchhah tumin Flushing Mewdows-ah tunge a la nih chiah a lantir dawn a ni.
Murray leh Clijsters bakah hian American hmeichhe pasarihin wild card an hmu ve bawk a, chu’ngte chu – Usue Arconada, CiCi Bellis, Francesca Di Lorenzo, Caroline Dolehide, Ann Li, Robin Montgomery leh Whitney Osuigwe-te an ni.

Mipa lama wild card list zingah American player rual – Ulises Blanch, Maxime Cressy, Sebastian Korda, Thai-Son Kwiatkowski, Michael Mmoh, Brandon Nakashima leh JJ Wolf an tel bawk.

Kumin New York khaw tournament lianah hian inhliam Roger Federer leh mipa champion lai Nadal an tel dawn loh avangin kum 1999 hnu lam Major main draw-a Federer leh Nadal an lan loh vawikhatna tur a ni.

THE AIZAWL POST
~Infiamna~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy