Daily Newspaper

Musk-a’n hausakah Zuckerberg a lehpel

12

Electric car siam lama hmingthang Tesla founder Elon Musk chuan Facebook founder Mark Zuckerberg chu hausak lamah lehpelin, khawvela mihausa zual tehnaah No.3 a ni ta a, hausak lamah Amazon neitu Jeff Bezos leh Microsoft founder Bill Gates te chiah a pha lo.

Billionaire Elon Musk hi Tesla leh SpaceX founder leh CEO niin, Bloomberg Billionaires Index in a tarlan danin a hlutna hi dollar tluklehdingawn 115.4 a tling ta a, khawvela dollar tluklehdingawn 100 chin nei thei palina a ni. Tunah hian khawvelah dollar tluklehdingawn 100 nei thei hi mi pali chiah an la awm a, Elon Musk bakah khawvela hausa ber Jeff Bezos leh a dawttu Bill Gates bakah huasak lama Musk-a’n a lehpelh tak Mark Zuckerberg te an ni.

Elon Musk hausakna hi kuminah ringawt dollar tluklehdingawn 87.8-in a pung hem mai. Hei hian mak tih pawh a hlawh hle a, Covid-19 hripui avanga lirthei siamtu company te an tlakchhiak mek laiin Tesla hi chu an sum dehchhuah a pung tlat a ni.

Elon Musk hausakna a pun deuh thutna chhan pakhat chu Tesla stock an thenhran vang a ni a, chu chuan tesla share hlutna hi 12%-in a tipung ta thut a ni. Musk hian sumdawnna hrang hrang a ngah hle a, 90s a PayPal co-founder niin, chuta a hlawkna atang chuan Tesla leh SpaceX a din leh a, hei bakah hian Boring Company, lei hnuaia lirthei tlan velna tur siam hnathawktu a din leh tawh bawk a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy