MZP-in Students’ Aid Fund siam tum
Mizo Zirlai Pawl chuan zirlai harsate tanpuina tur Students’ Aid Fund an siam dawn tih an president thar Dr C Lalremruata chuan a sawi.
MZP Gen. Hqrs office bearers 2025- 2027 term chhunga hruaitu tharte chuan Thawhtanni khan hruaitu kalchhuak turte atangin mawhphurhna an la tan. President thar Dr C Lalremruata chuan, MZP chu zirlaite tana innghahna tlak leh rintlak a nih zual zel theihnan hma lak a ni dawn tih a sawi a. Hnamdang (Vai) dan loa rawn sumdawngte lakah leh an hming lo hawhtirtute chungah dan angin na takin action lak a nih theihnan hma an la dawn tih a sawi.
Mizo Zirlai Pawl an nih angin zirna an ngaipawimawh dawn a, zirnaah let leh a ngai takzet tih a sawi. Mizoram chu India ram state-a ziak leh chhiar thiam awm tamna a nih angin, all India service leh central service lamah inziah tlin tuma tan an lak a ngai a, Mizoramah sawrkar hna a van tawh avangin, hna latute fimkhur a, a tling leh a tlak ngei chauh la turin thuneitute a ngen tih a sawi bawk.
Zirlai harsate tanpuina turin Students Aid Fund siam a a ni dawn tih Dr C Lalremruata hian a sawi a. Ram dang leh state danga an tih thin angin, zirlaiten placement an hmuh theihnan hma lak a nih tur thu a sawi. Mizo zirlai tam zawkin ram danga zir zawm theihna (scholarship & guidance) ngaihtuahpui turin chak taka hma lak an tum tih a sawi a ni.
Hmun hrang hrang atanga Aizawl-a zirlai awmten, man tlawm leh tha zawka zirna an chhunzawm theihna tur hmun changtlung ‘Zirlaite Hostel’ neih tum hma lak mek chu chak lehzuala bawhzui a ni dawn tih a sawi.
MZP president kalchhuak H Lalthianghlima chuan MZP-in hma a lo lak tawhna chhunzawm a, tuna UPSC coaching sponsor mekte pawh ngaihven zui zel turin a chah a. Zirlaite leh ram leh hnam tana hma lak turah hruaitu tharte duhsakna a hlan tih a sawi a ni.
MZP-in Students’ Aid Fund siam tum
