Ningani khan Mizoram University-ah international symposium neih a ni a. “Internationalization of Higher Educational Institutions: At Home and Abroad: Office for International Affairs (OIA)” tih thupuia hman a ni.
Symposium hi MZU vice chancellor Prof. Dibakar Chandra Deka chuan a hmanpui a. Commissioner & secretary to chief minister Vanlaldina Fanai leh Higher & Technical Education joint secretary K Lalhmangaihzuala ten an hmanpui bawk.
Sawrkar laipuia Ministry of External Affairs joint secretary Muanpuii Saiawi, IFS leh Central University of Haryana vice chancellor Prof. Sushana Yadav te chuan MZU zirlai leh zirtirtu kalkhawmte hnenah India sawrkarin NEP 2020 hmangin zirna sang zawk leh zau zawka kalpui an duh tih an sawi a. Ministry of External Affairs hnuaiah zirlaite tan foreign-a zir theihna scheme a awm tih an sawi.
Mithiam hrang hrang – Association of Indian Universities, Indian Council for Cultural Relations, University Grants Commission, Oxford University UK atanga lokalten thu an sawi bakah Monash University Malaysia leh USIEF MZU hnuaia international students awmten an lehkha zir laia an thil tawnte an sawi bawk.
MZU-ah international symposium
