Mizoram University Department of Social Work chuan ni hnih awh tur international workshop – ‘Psychosocial Adaptation, Disaster Mitigation and preparedness of Climate Change- affected Communities’ tih thupuia hmangin Thawhtanni atanga tan khan zirhona an buatsaih.
Workshop hmanpuitu MZU registrar Prof. Lalnundanga chuan sik leh sa inthlak nasat avanga kutnathawktu/ loneituten an tawrhna leh nun kawng hrang hrang a nghawng dan chu zirchian a pawimawh tih zia sawi a. Khualthaa sawm Denver Colorado-a CVT Evaluation and Research director Dr Courtney Welton- Michelle chuan khawvel hmun hrang hranga loneitute an zirchiannaah ruahsur hun inthlak, thlai hnah chin a hunin a mil tawh loh avanga thar theih loh leh harsatna hrang hrang an tawh a sawi a. Heng harsatna avanga nun kawng hrang hrang a nghawng dan a sawi a ni. Heng harsatna zirchian leh a do dan ngaihtuah chu workshop-in a tum ber a ni tih a sawi.
Workshop hi MZU Department of Social Work head Prof. C Devendiran leh MZU School of Social Science dean Prof Lalneihzovi ten an telpui bawk.
MZU-ah international workshop
