Indian Society for Chronobiology leh Dept. of Zoology, MZU thawk dun in, Mizoram University, Guest House-ah “Mechanism Underlying Daily and Seasonal Biological Process” tih thupui hmangin ni 7 chhung awh tur workshop an buatsaih a, vawin khan a hawnna programme hi neih a ni.
He programme-a thu sawi tur hian mithiam (expert), Prof. Barbara Helm, Swiss Ornithological Institute, Switzerland leh Prof. Akiko Satake, Kyushu University, Japan sawm te chuan thu sawiin, Prof. Barbara chuan India leh Mizoram University-a zirlaite hnena lecture pek leh inzirtir chu a phurawm a tih thu a sawi a, Prof. Akiko chuan he workshop neih chhunga an zirturte chu hriatur pawimawh tak takte a nih thu a sawi. Zirlaite pawhin he thupui hi zir chian zawk chakna nei tur leh hmasawnna tam tak siam thei tur in thu sawitu te chuan an fuih bawk a ni.
Dr. Vinod Kumar, InSc President, KGMU, Lucknow chuan he hawnna hi telpuiin, InSc chu Mizoram University leh zirna in dang dang te puih a huam reng thu leh zirlai te hmasawn pui thei turin a theihtawp a chhuah tur thu a sawi bawk.
He programme-ah hian Prof. Pravakar Rath, Pro Vice Chancellor, Mizoram University, Prof. G. Gurusubramanian, Dean, SLS, Mizoram University, Prof. H.T Lalremsanga, HOD, Zoology, Mizoram University leh Dr. Amit K. Trivedi, Convener te an tel a ni.
MZU-ah ni 7 awh workshop
