Mizoram University Alumni Grand Annual Meet 2023 chu Zirtawpni khan MZU hmunah hman a ni.
Hmanpuitu MZU chief rector, larsap Dr Hari Babu Kambhampati chuan MZU atanga zirchhuak mithiam rual leh hlawhtling tak tak intelkhawmten University hmasawn zelna atana theihtawp an chhuah chu lawmawm a tih thu a sawi a. University tha tehfung atana thil pawimawh pakhat chu a zirchhuakte hlawhtlinna, an hnathawh leh an thiltih a ni, tiin, tunhnaiah MZU-in hmuh theihin hma a sawn nasa a; kum zawnin NIRF ranking-a India ram university thazual 100 zingah a tha pawl nihna a hauh mai niloin hma a sawn zel tih a sawi.
“He hlawhtlinna kawngah pawh alumni hi hmanraw pawimawh tak pakhat in ni a. MZU hmasawnna atan, kawng hrang hrangah tih theih tam tak in neih bakah tuna zirlaite tan kawng sialsaktu leh kawhhmuhtu in ni tel a ni,” a ti.
India sawrkar hnuaia social security scheme leh hamthatna scheme tam tak mipuiin kan hmelhriat loh avangin kan dawng lo tih larsap hian a sawi a. Hemi kawngah hian beneficiary-te hriatthiam tura heng scheme hi zirtirna petu ni turin a sawm a ni.
Alumni Meet-ah hian MZU-a gold medalist-te leh alumni achievers (Mizoram leh India sawrkar hnuaia officer te) bakah VC, registrar, leh rrofessor chawl ta te chawimawi an ni a. MZU acting vice chancellor Prof Laltluangliana Khiangte chu khualzahawm a ni.
MZU Alumni Meet hmang
