Mizoram University leh I-Shou University Taiwan chuan thawdunna tur inremna thuthlung an ziak.
Mizoram sawrkar leh Mizoram University buatsaihin I-Shuo University Taiwan leh Taiwan Experience Education Program kaltlangin Taiwan mithiam lokalte, Mizoram University International Affairs-a thawktute leh sawrkar department – Rural Development, Planning & Programme Implementation, Horticulture leh Higher & Technical Education hotuten ram pahnih inkara thawhhona tha zawk siamna tur chu Ningani khan an sawikhawm a. Minister pahnih K Sapdanga leh Prof Lalnilawma ten an hmanpui a ni.
Zirlai leh zirtirtu intlawhtawnna nasa zawk neih dan tur, eizawnna rintlak leh ngelnghet nei tura thiamna intawm dan tur, tawng inzir tawnna buatsaih dan tur an sawi ho a. Taiwan thiamna hmanga thlai thartute tihhmasawn dan tur leh tui hnianghnar zawk mipuiin an neih theihnan thawhhona awm theite sawi a ni.
Zirtawpni khan university pahnih hian ‘Entity Memorandum of Understanding’ an ziak a. Zirna lamah leh university pahnih than zelna tura thawhho intiamna a ni. MZU zirlai thlanchhuah pahnih chu I-Shou University-a zirna chhunzawn turin inremna siam a ni bawk.
Zirtawpni vek khan ‘Sustainable Development Goals in Higher Educational Institutions’ tih thupuia hmangin symposium buatsaih a ni a. I-Shou University president Dr Guu Yuankung chuan an university-a ‘universal social responsibility’ an kalpui dan a sawi a. MZU registrar Prof. Lalnundanga’n ram pawn atanga zirlaite dawngsawng thei tura MZU hmalakna a sawi
MZU leh Taiwan-a university in thawhdunna tur thu thlung
