North Korean hruaitu chuan United States-in hmelma ena a en hmachhawn let ve nan ‘hneh theih loh sipai’ din a tum tih a sawi niin an ram sorkar chanchinbu chuan a tar lang.
Kim Jong-un chuan ralthuam an siam leh neihte chu anmahni inven nana an tih a nih thu leh indona chawh chhuahna tur a nih loh thu a sawi bawk.
Kim-a hian an tih khât tak, defence exhibition an neihah hma lak a tum dan hi a sawi a. Exhibition-ah hian missile lian tak tak an chhawp chhuak. North Korea hian tun hnai lawkah hypersonic missile thar leh anti-aircraft missile thar a enchhin tawh bawk.
“Tu nen mah indo chungchang hi kan sawi lo va; mahse, indona thleng tur ven piah lamah ram himna tur ngaihtuah a ngai a ni,” a ti. Kim-a kiang lawkah hian an ralthuam lawk tak tak a inchhawp khup a, heng zingah hian tank-te pawh a tel.
North hruaitupa hian US chu Korean ram hnih inkara boruak tha lo siam tumah a puh a, hei hian North Korea-in hmelma ena US a en lohna a tiderthawng niin a sawi bawk.
President Joe Biden-a a sorkar hnuah pawh US hian North Korea biak a duh thu a sawi tawh thin a; mahse, Pyongyang hian a nuclear ralthuam puahte a chawlhsan a phut hmasa a. Mahse, hei hi North Korea hian a duh mai bik lo a ni.
N. Korea in ‘Hneh theih loh sipai’ din a tum
