India rama zirna in sang – university leh college hmasawnna endiktu National Assessment and Accreditation Council (NAAC) Peer Team chuan Govt Aizawl West College an tlawh a, February 15 & 16 hian endik hna an thawk ang.
NAAC Team hi Higher & Technical Education minister Dr R Lalthangliana, H&TE director Sangchhin Chinzah leh department hotu dangte, Mizoram Scholarship Board hotute leh a kaihhnawih hotute an tel.
NAAC Peer Team hi chairman Dr Basheer Hasan, Pt Ravishankar Shukla University, Chhattisgarh-a professor leh member coordinator Dr. Visakhonu, Japfu Christian College Kohima Nagaland principal te an ni a. Tunhnai kum 5 chhunga Govt. Aizawl West College hmasawnna hrang hrang an endik ang.
India ram zirna sangte hi inthlahdah loa an awmna’n leh zirtirna chhawr nahawm an nih theihna’n sawrkar laipui chuan a endiktu atan NAAC hi a din a. Titha lo leh zelthelte chu tanpuina sum an dawn tur (funding) thlengin a hrek thei a ni. Govt. Aizawl West College hi NAAC-in Mizoram zirna insang awmte zinga an endik hmasak ber a ni a, tuna an endik hi a vawi 4-na a ni.