Daily Newspaper

Nadal tlawm, Djokovic chak

20

Claycourt king Rafael Nadal chu vawikua ngawt a champion tawhna Rome Open-ah Inrinni khan quarter-final paltlang zo loin a tla a, hripui len hnua boruak duhawm lo tawng chho mawlh mawlh Novak Djokovic erawh semi-final-ah a inhlangkai thung.

French Open warm-up tournament-ah hian Spa-niard Nadal chu 2-6, 5-7-in Argentina mi Diego Schwartzman lakah a tlawm ringawt a, a career-a Schwartzman a hneh loh vawikhatna a ni nghe nghe.

Tunhma lama top five player la hneh ngai lo Schwartzman hian 6-2 3-6 6-2-a Grigor Dimitrov paltlangtu Canadian Denis Shapovalov lakah fiahna dang a hmachhawn leh ang.

Defending champion Rafael Nadal hian tunhma lama Argentine Diego Schwartz-man nen vawikua an intawn tawhah hnehna la chang vekin, Inrinni semi-final luh inchuh game-ah pawh rinkai zawk a ni leh a, mahse, match pumpuiah a service a fuh tawk lo a, unforced error a ngah bawk avangin hnehna a chang zo ta lo a ni.

Italian Open hi thlarih chhunga Nadal-a tournament khelh leh hmasakber niin, 15th-ranked Schwartzman lakah unforced error tum 30 ngawt a nei a, Schwartzman chuan vawi 17 chauh nei thungin, inkhelh banah Spaniard chuan, “Khati zat serve hloh chunga hnehna chan chu beisei chi a ni lo. Thildanga ngaihtuahna ka sen zui leh mai a ngai dawn a, ka tihtur chu ka hria e,” a ti.

Nadal hian French Open title 13 la tlinga a record dinglai sawhngheh tumin Paris a thlawklut dawn a ni.

Inrinni quarter-final inkhel dangah Djokovic chuan harsa lo taka set hmasaber a lak hnuah set hnihna hloh zet chungin 97th-ranked German Dominik Koepfer lakah 6-3 4-6 6-3 hnehna a sualchhuak a, a nungchang siamthat a tum tawh tur thu lo sawichhuak tawh mah se he match-ah hian a thin tertek a chhuak leh.

Serb hian unseeded German laka a service game a hloh avangin a racquet chu a han hlap leh ngheng mai a, “Hei hi ka career-a ka racquet vuakchhiat hma-sakber leh hnuhnungber pawh a ni dawn lo.

“Hetiang hi ka a changa ka thinrimna ka lanchhuahtir dan a ni ve am ka taksa hriselna atana theihtawp ka chhuah rual hian ka rilru puthmang leh emotion tihrisel tur pawhin theihtawp ka chhuah chho ve zel a ni,” a ti.

Top-ranked Djokovic hian Norway mi Casper Ruud a tum leh dawn a, Ruud hian Italian fourth seed Matteo Berrettini lakah 4-6 6-3 7-6 (7-5) hnehna changin, Djokovic lakah fiahna hrawl ber tura ngaih a hmachhawn a, Serb tan Masters level-a semi-final tum 69 a khelhna tur leh Rome bika vawi 11 a khelhna tur a ni a, Ruud tan erawh a dai ngai loh ram a la ni thung.

Semi-final match hi kumin chhung bika Djokovic-a’n match 31 a khelhna tur niin, kumin bika a tum 30-na atan hnehna a beisei leh m>k a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy