Daily Newspaper

Nagaland-in AFSPA paih turin ngen dawn

15

Tun hnaiah Nagaland-ah sipaiin hel pawl emaw tiin mi an kap a, civil mi 14-in nunna hlu tak an chan. Nagaland mipuite rilru a na a, an state sorkar pawhin AFSPA thiat turin India sorkar ngen an tum.

AFSPA hi Armed Forces Special Powers Act tihna a ni a, rambuaiah sipaite chu thuneihna sang tak pek niin, warrant tel lova mi man theihna te, silai hmeh puah phalna thlengin sipaite hi pek an ni a, AFSPA hi ‘draconian law’ ti hiala sawi a ni.

Nagaland sorkar chuan AFSPA hi hmang tawh lo turin sorkar laipui ngen an tum a, Nagaland sorkar cabinet te’n ‘urgent meeting’ an nei a, an hun pawimawh Hornbill Festival neih loh an rel bawk.

Sipaite chetna vanga thi civil mite vuinaah Nagaland chief minister Neiphiu Rio chuan AFSPA hlih thuai an phut thu a sawi a, he dan hian an state a tina tih sawiin, he dan hian ram hmel a tibal tiin a sawi.

Inrinni leh a tukah khan Nagaland-a Mon district-ah sipai, 21 Para Special Forces te’n hel pawl emaw tiin mi an bei a, hetah hian civil mi 14 an thi a ni.

Indian Army chuan Nagaland-a thil thleng chungchang hi chhui an tum a, major general rank-in he vanduaina thlen dan chungchang hi an chhui dawn nia sawi a ni.

Lieutenant General Ashok Mehta (retired) chuan Nagaland-a thil thleng hi vanduaithlak a tih thu a sawi a, he vanduaina leh he vanduaina vanga thil thlengte chu pawi a tih thu sawiin, hetiang hi hmarchhakah a la thleng ngai lova a hriat thu a sawi.

Kar hmasa Inrinni khan lungalhthei laihchhuahna khura thawk mi paruk, pick-up van-a chuang, an in lam pan mekte chu sipaite’n hel pawl Yung Aung mi leh sate emaw tiin an bei a, an thi a ni. Yung Aung hi NSCN(K) atanga chhuak an ni.

Mi parukte an haw har tak em avangin an khaw thalaite an zawng ta a, sipai motor an hual a, sipaite nena an intihbuainaah thi an awm belh leh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy